सन्जिबलाई तास्मनिया ओपन ब्याडमिन्टनको उपाधि  

काठमाडौं । नेपालका ब्याडमिन्टन खेलाडी सन्जिब खड्काले अष्ट्रेलियामा आयोजना भएको तास्मनिया ओपन ब्याडमिन्टन च्याम्पियनसिपको उपाधि जितेका छन् ।

अध्ययनको शिलशिलामा अष्ट्रेलियामा रहेका सन्जिबले च्याम्पियनसिपको पुरुष एकलतर्फ उपाधि जितेका हुन् ।

सन्जिब अष्ट्रेलियामा अध्ययनसँगै ब्याडमिन्टन खेल्ने र ब्याडमिन्टन प्रशिक्षकको रुपमा काम गरिरहेका छन् ।

गत वर्ष एनआरएनएले उनलाई स्पोर्ट्स पर्सन अफ द इयर अवार्ड प्रदान गरेको थियो ।

गत वर्ष नै उनलाई मलेसियाको प्रख्यात खेलकुद उत्पादन कम्पनि फेलेटले १ वर्षको लागि अष्ट्रेलियाको ब्राण्ड एम्बेसडर बनाएको थियो । जुन सम्झौता थप एक वर्षको लागि थप भएको छ ।

स्मरण रहोस नेपाल ब्याडमिन्टन संघले २०१८ मा अष्ट्रेलिया गएपछि उनको नाम वरीयताक्रमको सूचीबात हटाएको थियो ।