राष्ट्रिय हेरिटेज रिङ रेस्लिङ च्याम्पियनसिप हुने

काठमाडौं । नेपाल रिङ रेस्लिङ संघको आयोजनामा प्रथम राष्ट्रिय हेरिटेज रिङ रेस्लिङ च्याम्पियनसिप हुने भएको छ । 

महिला तथा पुरुष खेलाडीको सहभागिता रहने च्याम्पियनसिप चैत १९ गते शनिबार काठमाडौंको बसन्तपुरमा आयोजना  हुनेछ । 

च्याम्पियनसिपमा नुवाकोटे टाईगर, चटान, डेभिड, साईन, टुप्पी ग्याङ्गे, लेडी एञ्जल, तन्नु, सिजे, एससी, जोन, बाका, आकृति, योङ्ग श्याड़ी, स्पाइडर म्यान लगायतका खेलाडीको सहभागिता रहने छ ।

च्याम्पियनसिपमा हेभी वेट विजेताले १ लाख ५ हजार, हार्डकोर च्याम्पियनले ८५ हजार, मिडल वेट च्याम्पिएनले ७५ हजार, ट्याग टिम च्याम्पियनले ९५ हजार, लाईट वेट फिमेल च्याम्पियनले ६५ हजारका साथै मेडल र प्रमाणपत्र प्राप्त गर्ने छन् ।

च्याम्पियनसिप हेर्न दर्शकले कुनै टिकट लिग्नु नपर्ने आयोजकले बताएको छ । च्याम्पियनसिपको खर्च करिब १५ लाख हुने अनुमान आयोजकले गरेको छ । 

च्याम्पियनसिपमा काठमाडौं माहानरपालिका, टोखा नगरपालिका र राष्ट्रिय खेलकुद परिषदको सहयोग रहने छ ।