जियाओजनलाई २०१६ रियो ओलम्पिकको स्वर्ण 

काठमाडौं । चीनका ल्यू जियाओजनले २०१६ रियो ओलम्पिकको स्वर्ण पदक प्राप्त गर्ने सम्भावना बढेको छ । 

काजकिस्तानका भारत्तोलन खेलाडी निजात रहिमोभको २०१६ मा भएको रियो ओलम्पिकको स्वर्ण पदक खोसिएपछि जियाओजनले स्वर्ण पदक पाउने सम्भावना रहेको छ । 

पुरुषको ७७ केजी तौलसमूहमा रहिमोभले स्वर्ण जित्दा जियाओजनले रजत पदक हात पारेका थिए । 

डोपिङमा असफल भएपछि रहिमोभको स्वर्ण पदक खोसिएको थियो । 

साथै उनीमाथि आठ वर्षको प्रतिबन्ध समेत लगाइएको छ । 

उनको २०१६ मार्च १५ पछिका सबै नतिजाहरु समेत रद्द गरिएका छन् ।