रुसमाथि फिनाको प्रतिबन्ध

काठमाडौं । पौडी खेलको सर्वोच्च निकाय फिनाले रुस र बेलारुसका खेलाडीलाई २०२२ मा वुडापेस्टमा हुने विश्व च्याम्पियनसिपमा सहभागी नगराउने निर्णय गरेको छ । 

ओलम्पिक च्याम्पियन रुसी पौडीबाज इभजेनी रायलोभले च्याम्पियनसिपबाट आफ्नो नाम फिर्ता लिएपछि फिनाले सो निर्णय गरेको हो । 

फिनाले खेलकुद पदाधिकारीहरुलाई समेत च्याम्पियनसिपमा सहभागि हुन रोक लगाएको छ । 

फिनाको निर्णयपछि रुसको स्वीमिङ फेडरेसनले भने सन् २०२२ भरी नै आफ्ना खेलाडीलाई फिनाको प्रतिस्पर्धामा सहभागिता नगराउने जनाएको छ । 

पछिल्लो समय विभिन्न अन्तर्राष्ट्रिय खेलकुद निकायहरुले रुसमाथि प्रतिबन्ध लगाउदै आएका छन् ।