म्यानचेस्टर सिटी सेमिफाइनलमा

काठमाडौं । म्यानचेस्टर सिटी एफए कप फुटबलको सेमिफाइनलमा प्रवेश गरेको छ ।

आइतबार भएको क्वाटरफाइनलमा साउथह्याम्पटनलाई ४-१ गोल अन्तरले हराउँदै सिटी अन्तिम चारमा पुगेको हो ।

खेलको १२ औं मिनेटमा रहिम स्ट्रर्लिङले गोल गर्दै सिटीलाई सुरुआती अग्रता दिलाएका थिए ।

पहिलो हाफको इन्जुरी समयमा एम्रिक लापोर्टेले आत्मघाती गोल गरेपछि खेल १-१ गोलको बराबरीमा पुग्यो ।

खेलको ६२ औं मिनेटमा केभिन डी ब्रुएनले पेनाल्टीमा गोल गर्दै सिटीलाई २-१ को अग्रता दिलाए ।

७५ औं मिनेटमा फिल फोडेनले गोल गर्दै सिटीलाई ३-१ को अग्रता दिलाए ।

त्यसपछि खेलको ७८ औं मिनेटमा रियाद महरेजले गोल गर्दै सिटीलाई ४-१ को जित दिलाए ।