चितवनको ट्यालेन्ट हन्ट आइतबार

काठमाडौं ।  नेपाल सुपर लिग (एनएसएल) को दोस्रो संस्करणका लागि एफसी चितवनले चैत ६ गते  ट्यालेन्ट हन्ट आयोजना गर्ने भएको छ ।

चितवनले शुक्रबार सामाजिक संजालबाट  चैत ६ गते आइतबार ट्यालेन्ट हन्ट गरिने जनाएको छ ।

चितवनस्थित भरतपुरको क्याम्पाचौरमा ट्यालेन्ट हन्ट आयोजना गरिने एफसी चितवनले जनाएको छ ।

ट्यालेन्ट हन्टबाट छनोट हुने एक जनाले चितवनबाट नेपाल सुपर लिग खेल्न मौका पाउनेछन् ।  

एनएसएलको दोस्रो संस्करण चैत २६ देखि जेठ ७ गतेसम्म आयोजना हुनेछ ।

दोस्रो संस्करणको प्रतियोगिता दुई शहरमा आयोजना हुनेछ । १० टोली सहभागी हुने प्रतियोगिताका खेलहरु पोखरा र काठमाडौंमा हुनेछ ।

पहिलो संस्करण दशरथ रंगशालामा आयोजना भएको थियो । पहिलो संस्करणमा ७ टोलीले प्रतिस्पर्धा गरेका थिए ।

पहिलो संस्करणको उपाधि काठमाडौं रेजर्सले जितेको थियो।