पोखरा रंगशालामा होलीसँगै खेलकुद हुने

पोखरा । फागु पुर्णिमा अर्थात होली पर्वको अवसर पारेर पोखरा रंगशालामा होली कार्यक्रमसँगै खेलकुद प्रतियोगिता आयोजना हुने भएको छ । 

राष्ट्रिय खेलकुद बिकास परिषद् र पश्चिमाञ्चल क्षेत्रीय खेलकुद बिकास समितिको आयोजनामा कार्यक्रम हुने भएको राष्ट्रिय खेलकुद बिकास समितिका सदस्य राजेश गुरुङले बताए ।

खेलकुदका कार्यक्रम अन्तर्गत पर्यटन ब्यवसायी र खेल पदाधिकारीबीच मैत्रीपुर्ण भलिबल प्रतियोगिता, पुरुष र महिला खेलाडीबीच खुल्ला नृत्य प्रतियोगिता, महिला खेलाडीबीच म्युजिकल चियर, घैटो फुटाउनेका साथै खेल संघका पधादिकारीबीच तानडोरी प्रतियोगिता समेत अयोजना हुने छ ।

पोखरामा हुने नवौं राष्ट्रिय खेलकुदको पुर्वसन्ध्यामा रङहरुको पर्ब होलीलाई सबैबीच एक आपसमा सद्भाव एवम शुुभकामना आदान प्रदान गर्न कार्यक्रम आयोजना गरिएको राखेप  सदस्य गुरुङले जनाए ।