ओलम्पियन संघको अभिमूखिकरण कार्यक्रम सुरु

काठमाडौं । नेपाल ओलम्पियन संघको दुई दिने अभिमूखिकरण कार्यक्रम बिहीबारबाट सुरु भएको छ ।

ओलम्पियनहरुको क्षमता अभिबृद्धि गर्ने उदेश्यका साथ नेपाल ओलम्पिक कमिटीको केन्द्रीय कार्यालयमा सुरु भएको हो।

कार्यक्रमको उद्घाटन एनओसीका महासचिब निलेन्द्र राज श्रेष्ठले गरेका थिए ।

कार्यक्रममा ओलम्पियनहरुलाई पब्लिक स्पिकिङ, योगा, मेडिटेसन र खेल मनोविज्ञानसम्बन्धी जानकारी दिइनेछ ।

कार्यक्रममा ओलम्पियनहरुलाई पब्लिक स्पिकिङमा राजेश पाण्डे, योगा र मेडिटेसनमा पुस्कर पन्त तथा खेल मनोविज्ञानमा इन्द्र गुरुङले प्रशिक्षण दिनेछन् ।

त्यस्तै खेल विज्ञ डा. प्रकाश प्रधानले समेत खेल मनोविज्ञानबारे ओलम्पियनहरुलाई जानकारी दिने छन् ।