डर्टमण्डको आधा दर्जन गोल

काठमाडौं । जर्मन बुन्डेसलिगा फुटबलमा बोरुसिया डर्टमण्डले फराकिलो जित निकालेको छ ।

आइतबार राति भएको खेलमा डर्टमण्डले बोरुसिया मन्छेनग्लाडबाखलाई ६-० गोल अन्तरले हराएको हो ।

खेलको २६ औं मिनेटमा मार्को रिउसले गोल गर्दै डर्टमण्डलाई सुरुआती अग्रता दिलाएका थिए ।

३२ औं मिनेटमा डोनएल मालेनले गोल गर्दै टिमको अग्रता २-० को बनाए ।

खेलको ७० औं मिनेटमा मरिउस वुल्फले गोल गर्दै टिमको अग्रता ३-० को बनाए ।

युसुफा माउकोकोले ७४ औं मिनेटमा गोल गरेपछि डर्टमण्डको  अग्रता ४-० को बन्यो ।

खेलको ८१ औं मिनेटमा रिउसले व्यक्तिगत दोस्रो गोल गरेपछि डर्टमण्ड ५-० ले अघि रह्यो ।

त्यसपछि खेलको इन्जुरी समयमा इम्री क्यानले पेनाल्टीबाट गोल गर्दै डर्टमण्डलाई ६-० को जित दिलाए ।

जितसँगै डर्टमण्डले २३ खेलमा ४९ अंक जोडेको छ ।

डर्टमण्ड दोसो स्थानमा रहेको छ ।

मन्छेनग्लाडबाख २६ अंक जोडेर १३ औं स्थानमा रहेको छ ।