इन्टर घरमै पराजित

काठमाडौं । इटालियन सिरी ए फुटबलमा इन्टर मिलान पराजित भएको छ ।

आइतबार राति भएको खेलमा इन्टर घरेलु मैदानमा सासोउलोसँग २-० ले पराजित भएको हो ।

खेलको आठौं मिनेटमा जियाकोमा रास्पडोरीले गोल गर्दै सासोउलोलाई सुरुआती अग्रता दिलाएका थिए ।

त्यसपछि खेलको २६ औं मिनेटमा जियानलुका स्कामाक्काले गोल गर्दै सासोउलोलाई २-० को जित दिलाए ।

यस हारसँगै इन्टरले शीर्ष स्थानमा उक्लने मौका गुमाएको छ ।

इन्टर ५४ अंक जोडेर दोस्रो स्थानमा रहेको छ ।

सासोउलो ३३ अंक जोडेर ११ औं स्थानमा रहेको छ ।