बायर्नको सहज जित

काठमाडौं । जर्मन बुन्डेसलिगा फुटबलमा बायर्न म्युनिखले सहज जित निकालेको छ ।

आइतबार राति भएको खेलमा बायर्नले ग्रेउथेर फुर्थलाई ४-१ गोल अन्तरले हराएको हो ।

बायर्नले सुरुआती एक गोलको अग्रता उल्टाएर जित निकालेको छ ।

खेलको ४२ औं मिनेटमा ब्रानिमिरले गोल गर्दै फुर्थलाई अग्रता दिलाएका थिए ।

खेलको ४६ औं मिनेटमा रोबर्ट लेवान्डोस्कीले गोल गर्दै बायर्नलाई १-१ को बराबरीमा ल्याए ।

खेलको ६१ औं मिनेटमा सेबास्टियनले आत्मघाती गोल गरेपछि बायर्न २-१ ले अघि रह्यो ।

खेलको ८२ औं मिनेटमा लेवान्डोस्कीले व्यक्तिगत दोस्रो गोल गर्दै बायर्नलाई ३-१ को अग्रता दिलाए ।

त्यसपछि खेलको इन्जुरी समयमा एरिक म्याक्सिमले गोल गर्दै बायर्नलाई ४-१ को जित दिलाए ।

यस जितसँगै शीर्ष स्थानको बायर्नले २३ खेलमा ५५ अंक जोडेको छ ।

फुर्थ १३ अंक जोडेर पुछारमा रहेको छ ।