दिपेश र बिजितको जोडी सेमिफाईनलमा

काठमाडौं ।  एपीएफका दिपेश धामी र बिजित थापा मगरको जोडी लिनिङ ११ औं पुष्पलाल स्मृती वरीयता राष्ट्रिय ब्याडमिन्टन प्रतियोगिताको सेमिफाईनलमा स्थान पक्का गर्न सफल भएका छन् ।

धामी र मगरको जोडीले सेनाका नविन श्रेष्ठ र प्रफुल महर्जनको जोडीलाई २१–१६, २१–१० ले पराजित गर्दै सेमिमा स्थान बनाएका हुन् ।

अब उक्त जोडीले फाईनल प्रवेशका लागि कास्कीका बिधान अधिकारी र भुवन गुरुङको जोडीको सामना गर्नेछन् ।

बिधान र भुवनको जोडीले पुलिसका बिष्णु कटुवाल र अनिष श्रेष्ठको जोडीलाई २१–१५, २१–१३ ले पराजित गर्दै सेमिफाईन प्रवेश गरेका हुन् ।

यस्तै सेमिफाईनल प्रवेश गर्ने अर्को जोडीमा पुलिसका जीवन आचार्य र सुनिल जोशीको जोडी रहेका छन् । यस जोडीले बाँकेका ईरफान अन्सारी र धातुका सुदीप सेढाईलाई २१–१५, १७–२१, २१–१३ ले पराजित गरे ।

आचार्य र जोशीको जोडीले फाईनल प्रवेका लागि सेनाका रुकेश महर्जन र सुरोज महर्जनको जोडी संग प्रतिस्पर्धा गर्नेछन् । महर्जन जोडीले ललितपुरका सशिन डङ्गोल र सुमित महर्जनको जोडीलाई २१–१७, २१–१६ ले पराजित गर्दै आचार्य र महर्जनको जोडी संग जम्काभेट गरेका हुन् ।

राष्ट्रिय ब्याडमिन्टन संघ, नेपाल तथा नखिपोट युथ क्लबको संयुक्त आयोजनामा भएको प्रतियोगिताको पुरुष एकल (उच्च १६ बरियता बाहेक) को प्रतिस्पर्धामा सेनाका दिवश शंकरले सेनाका बिवेक चौधरीलाई पराजित गर्दै सेमिफाईनलमा स्थान पक्का गरे । शंकरले चौधरीलाई १८–२१, २१–८, २१–११ ले पराजित गरेका हुन् ।

अब शंकरले सेमिफाईनमाल सेनाका पविन लिनथेपको सामना गर्नेछन् । पविनले सेनाकै आयुश्मान नागरीलाई २१–१२, २१–१९ ले पराजित गरेका हुन् । यस्तै सेमिफाईन प्रवेश गर्ने अर्को खेलाडीमा कास्कीका बिधान अधिकारी रहेका छन् । अधिकारीले १६ फिदरका क्षितीज खनाललाई २१–१९, २१–१४ ले पराजित गरे । अव उनको भिडन्त मोरङ्गका भोजबहादुर गुरुङ्ग संग हुने छ । भोलबहादुरले साईनोका सुजन थापालाई १४–२१, २१–१०, २१–१५ ले पराजित गर्दै अधिकारी संगको भेट पक्का गरेका हुन् ।

नेपाल ब्याडमिन्टन संघको प्राविधिक सहयोगमा भएको प्रतियोगिताको महिला एकल (उच्च बरियता १२ बाहेक)मा एनआरएनकी सानिया चन्दले जित हात पारिन् । चन्दले सेमिफाईनल प्रवेश गर्ने क्रममा सुनसरी ब्याडमिन्टन एकेडेमीका रोजी राईलाई २१–११, २१–१२ ले पराजित गरिन् । यस्तै सेनाकी पे्रक्षा राईले सर्लाहीका निकिता लामालाई २२–२०, १६–२१, २१–१८ ले पराजित गर्दै सेमफाईनलमा चन्द संगको भेट पक्का गरिन् । पाल्पाकी दिया शाक्यले सेमिफाईनल प्रवेश गर्ने क्रममा कञ्चनपुरकी निलिमा महरालाई १५–२१, २२–२०, २१–१२ ले पराजित गरिन् । यस्तै कैलालीकी एनिला सुनारले सेनाकी प्रियान्सी बमबाट वाकओभर प्राप्त गर्दै सेमिफाईनलमा दिया संगको भेट पक्का गरिन् ।

नखिपोट युथ क्लबको कभर्डहलमा भएको प्रतियोगिताको यु १७ पुरुष तर्फको खेलमा सिल्क ग्रुपका नरेन्द्र बलमे जित निकाले । उनले कपिलबस्तुका राज बर्मालाई २६–२४, २१–१३ ले पराजित गरे । अर्को खेलमा सेनाका डेभिड थापा मगरले सेनाकै बिवेक चौधरीलाई १५–२१, २१–११, २१–१३ ले पराजित गर्दै नरेन्द्र संगको भेट पक्का गरे ।

सेमिफाईनल प्रवेश गर्ने क्रममा १६ फिदरका क्षितिज खनालले पाल्पाका सुरोज तिमिल्सीनालाई २१–१३, २१–८ ले पराजित गरे । अब उनले सेनाका आयुश्मान नागरीसंग फाईनल प्रवेशका लागि प्रतिस्पर्धा गर्ने भएका छन् । नागरीले सनौला रईनीलाई २१–८, २१–११ ले पराजित गरे ।

यू-१७ महिला तर्फ राष्ट्रिय च्याम्पियन रशिला महर्जनले एनआरएन सानिया चन्दलाई पराजित गरिन् । रशिलाले चन्दलाई २१–२, २१–१३ ले पराजित गर्दै सेमिफाईनलमा कैलालीकी एलिना सुनारसंग प्रस्पिर्धा गर्ने भएकी हुन् । एलिनाले सेनाकी प्रेक्षा राईलाई २१–१३, २१–१२ ले पराजित गरेकी हुने ।

यस्तै सेमिफाईनल प्रवेश गर्ने अर्का खेलाडीहरुमा सेनाका प्राथना देउवा र रोज पाण्डे रहेका छन् । प्राथनाले सुनसरी ब्याडमिन्टन एकेडेमीकी रोजी राईलाई २१–३, २१–५ ले तथा रोजले कञ्चनपुरकी बिष्णा बिष्टलाई २१–९, २१–१६ ले पराजित गरेका हुन् ।