राजधानी एन्जल्स सेभेन ए साइड फुटबल हुने

काठमाडौं । राजधानी एन्जल्स सेभेन ए साइड फुटबल प्रतियोगिता फागुन १३ गतेबाट सुरु हुने भएको छ ।

आयोजक राजधानी युवा क्लब र एन्जल्स स्पोर्ट्स एकेडेमीले शनिबार पत्रकार सम्मेलन गर्दै प्रतियोगिता फागुन १३ गतेबाट सुरु हुने जनाएको छ ।

नकआउटका आधारमा आयोजना हुने प्रतियोगितामा ३० टोलीको सहभागिता रहनेछ ।

प्रतियोगिता एन्जल्स स्पोर्ट्स एकेडेमीको मैदानमा हुनेछ ।

विजेताले १ लाख नगद प्राप्त गर्दा उपविजेताले ५० हजार पाउने प्रतियोगिता संयोजक खिम बहादुर थापाले बताए ।

यस्तै व्यक्तिगत विधामा उत्कृष्ट हुनेलाई समेत पुरस्कृत गरिने आयोजकले जनाएको छ ।

कार्यक्रममा बोल्दै क्लबका अध्यक्ष आशिष खतिवडाले क्लबले राष्ट्रिय तथा अन्तराष्ट्रिय खेलाडी उत्पादनका लागि प्रतियोगिता आयोजना गरिएको बताए ।

अध्यक्ष खतिवडाले क्लबले खेलकुदसँगै सामाजिक कार्य गरिरहेको समेत बताए ।