ओमानविरुद्ध नेपाल ब्याटिङमा  

काठमाडौं । आईसीसी पुरुष टी–ट्वान्टी विश्वकप ग्लोबल छनोट अन्तर्गत नेपालले आयोजक ओमानविरुद्ध पहिले ब्याटिङ गर्ने भएको छ । 

अल अमेरात क्रिकेट मैदानमा टस हारेर नेपालले ओमानविरुद्ध पहिले ब्याटिङ गर्ने भएको हो । 

ग्लोबल छनोट अन्तर्गत नेपालले समूहको पहिलो खेल ओमानविरुद्ध खेल्दैछ । 

नेपालले आजको खेल जितेर विश्वकप छनोटमा सुखद सुरुआत गर्ने दाउमा रहेको छ । 

यस अघि ओमानमै भएको चारदेशीय टी–ट्वान्टी सिरिजमा नेपालले ओमानलाई ६ विकेटले पराजित गरेको थियो ।