विलियम्सनले दक्षिण अफ्रीकाविरुद्धको सिरिज गुमाउने

काठमाडौं । न्युजिल्याण्डका कप्तान केन विलियम्सनले दक्षिण अफ्रीकाविरुद्धको टेस्ट सिरिज गुमाउने भएका छन् ।

चोट पूर्ण रुपमा ठिक नभएपछि कप्तान विलियम्सनले घरेलु मैदानको टेस्ट गुमाउने भएका हुन् ।

टेस्ट सिरिजका लागि न्युजल्याण्डले घोषणा गरेको टोलीमा उनी अटाएका छैनन् ।

तर, काम फ्लेचर र ब्लेयर टिक्नरले पहिलो पटक टेस्ट टिममा स्थान बनाएका छन् ।

न्युजल्याण्डले दक्षिण अफ्रीकासँग क्राइसचर्चमा दुई खेलको टेस्ट सिरिज खेल्ने तालिका रहेको छ ।

पहिलो टेस्ट फेब्रुअरी १७ मा सुरु हुनेछ ।