रुस ओलम्पिक पदक तालिकाको शीर्ष स्थानमा 

काठमाडौं । चीनको बेइजिङमा जारी विन्टर ओलम्पिक अन्तर्गत रुस ओलम्पिक कमिटि (आरओसी) पदक तालिकाको शीर्ष स्थानमा उक्लिएको छ । 

आरओसीले समान दुई स्वर्ण, दुई रजत र दुई कास्य गरी जम्मा ६ पदक हात पार्न सफल भएको छ । 

नर्वेले भने दुई स्वर्ण र एक कास्य जितेको छ । 

स्वीडेनले पनि दुई स्वर्ण हात पार्न सफल भएको छ । 

जर्मनी र नेदरल्यान्ड्सले समान एक–एक स्वर्ण र एक–एक रजत जितेका छन् ।

जापानले एक स्वर्ण र दुई कास्य हात पारेको छ । 

अष्ट्रेलिया र स्लोभेनियाले समान एक–एक स्वर्ण र एक–एक कास्य पदक हात पारेका छन् ।

आयोजक चीन र न्यूजिल्यान्डले एक–एक स्वर्ण जितेका छन् ।

अमेरिकाले तीन रजत पदकमा चित्त बुझाएको छ । 

अष्ट्रीया र इटालीले समान दुई–दुई रजत तथा एक–एक कास्य पदक जितेका छन् ।

क्यानाडाले एक रजत र एक कास्य तथा फ्रान्सले एक रजत हात पारेको छ । 

फिनल्यान्ड, हंगेरी र पोलान्डले समान एक–एक कास्य जितेका छन् ।