पुलिस र च्यासलबीचको खेल सर्यो, बुधबार हुने   

काठमाडौं । सहिद स्मारक ए डिभिजन लिग अन्तर्गतको नेपाल पुलिस क्लब र च्यासल युथ क्लबबीचको खेल तालिका पुनः परिवर्तन भएको छ । 

अखिल नेपाल फुटबल संघ (एन्फा) ले शनिबारका लागि तोकेको पुलिस र च्यासलबीचको खेल माघ २६ गते हुने जनाएको छ । 

वर्षाका कारण दशरथ रंगशाला मैदान खराब भएपछि खेलतालिका परिवर्तन गरिएको एन्फाले जनाएको छ । 

नवौं चरण अन्तर्गत यस अघि पुलिस र च्यासलबीचको खेल माघ २ गते हुने तालिका थियो ।

तर, च्यासलका खेलाडीमा कोभिड-१९ को संक्रमण देखिएपछि खेल स्थगित गरिएको थियो ।

च्यासलका १९ खेलाडीमा कोरोना संक्रमण पुष्टि भएको थियो ।

जारी लिगमा पुलिस ८ खेलमा ७ अंक जोडेर ११ औं स्थानमा रहेको छ । 

च्यासल ८ खेलमा ५ अंक जोडेर १३ औं  स्थानमा रहेको छ  ।