रियल कोपा डेल रेबाट बाहिरियो

काठमाडौं । रियल मड्रिड स्पेनिस कोपा डेल रे फुटबलको क्वाटरफाइनलबाट बाहिरिएको छ ।

बिहीबार राति भएको खेलमा एथ्लेटिक बिल्बाओसँग १-० गोल अन्तरले हराउँदै रियल बाहिरिएको हो ।

बिल्बाओलाई जित दिलाउन एलेक्स बेरेन्गुएरले निर्णायक गोल गरे ।

एलेक्सले खेलको ८९ औं मिनेटमा निर्णायक गोल गरेका थिए ।

यस जितसँगै बिल्बाओ सेमिफाइनलमा प्रवेश गरेको छ ।

अर्को खेलमा रियल बेटिसले जित निकाल्दै अन्तिम चारमा स्थान पक्का गरेको छ ।

बेटिसले बिहीबार राति रियल सोसिडाडलाई ४-० ले हराएको हो ।