क्यामरुनलाई हराउँदै इजिप्ट फाइनलमा

काठमाडौं । इजिप्ट अफ्रीका कप अफ नेसन्स फुटबलको फाइनलमा प्रवेश गरेको छ ।

बिहीबार राति भएको खेलमा आयोजक क्यामरुनलाई पेनाल्टी सुटआउटमा हराउँदै इजिप्ट उपाधि नजिक पुगेको हो ।

खेलको निर्धारित ९० मिनेट र थपिएको अतिरिक्त समय गोलरहित बराबरीमा सकिएपछि खेल पेनाल्टीमा गएको थियो।

पेनाल्टी सुटआउटमा इजिप्ट ३-१ ले विजयी भयो ।

पेनाल्टीमा इजिप्टका अहमेद सायद, मोहमद अब्देलमोनेम र मोहनद लाश्हेनले गोल गरे ।

क्यामरुनका भिसेन्ट अबुबाकरले गोल गरे । हारोल्ड मोउकोदी, जेम्स सिलिकी र क्लिन्टन एनजीले गोल गर्न सकेनन् ।

अब उपाधिका लागि इजिप्टले सेनेगलको सामना गर्नेछ । फाइनल खेल आइतबार हुनेछ ।