इघालो अल हिलालमा

काठमाडौं । म्यानचेस्टर युनाईटेडका पूर्व स्ट्राइकर ओडीयन इघालो एसियन च्याम्पियन अल हिलालमा अनुबन्धित भएका छन् ।

नाइजेरियन फरवार्डले साउदी अरेबियन क्लबसँग १८ महिनाको सम्झौता गरेका छन् ।

अल हिलालले इघालोलाई अल शाबबबाट अनुबन्ध गरेको हो ।

इघालोले अल हिलालमा ९ नम्बरको जर्सी लगाउने छन् ।

३२ वर्षीय इघालो साउदीको लिगमा सर्वाधिक गोलकर्ता मध्ये एक रहेका छन् ।

इघालोले १२ गोल गरेका छन् ।

इघालोले युनाईटेडका लागि एक वर्ष लोनमा खेलेका थिए ।