मरिससका दुई खेलाडी कोरोना मुक्त

काठमाडौं । मैत्रीपूर्ण खेल खेल्न नेपाल आएका अफ्रिकी राष्ट्र मरिससका दुई खेलाडी कोरोना मुक्त भएका छन् ।

मरिसस फुटबल एसोसियसनले कोरोना देखिएका चार खेलाडीमध्ये दुई खेलाडी कोरोनाबाट मुक्त भएको जनाएको छ  ।

कोरोना मुक्त हुनेमा लोइक मिशेल र कर्लसन अगाथे रहेका छन् ।

दुबै खेलाडी टिममा सामेल भएका छन् ।

 नेपालले दशरथ रंगशालामा मरिसससँग दुई मैत्रीपूर्ण खेल खेल्नेछ । पहिलो खेल भोलि शनिबार हुनेछ । दोस्रो खेल मंगलबार हुनेछ ।