अर्चले फुटबल कप माघ १५ देखि 

काठमाडौं । तनहुँको श्री अर्चले युवा क्लबले पाँचौ अर्चले फुटबल कप आयोजना गर्ने भएको छ । 

प्रतियोगिता भानु नगरपालिकास्थित अर्चले खेलमैदानमा माघ १५ देखि २४ गतेसम्म हुनेछ । 

प्रतियोगितामा प्रथम हुने टिमले नगद १ लाख १ हजार १ सय ११ प्राप्त गर्नेछ । 

दोस्रो हुने टिमलाई ५५ हजार ५ सय ५५ प्रदान गरिनेछ । 

उत्कृष्ट खेलाडी तथा प्रशिक्षकलाई मेडल र प्रमाणपत्र प्रदान गरिनेछ । 

प्रतियोगिताका लागि दर्ता शुल्क ७ हजार ५ सय रहेको छ ।