चिलीमाथि अर्जेन्टिनाको जित

काठमाडौं । कतारमा आयोजना हुने फिफा विश्वकप छनोटमा अर्जेन्टिनाले चिलीलाई हराएको छ ।

दक्षिण अमेरिकी छनोट अन्तर्गत शुक्रबार बिहान अर्जेन्टिनाले चिलीलाई २-१ गोल अन्तरले हराएको हो ।

चिलीको मैदानमा एन्जल डी मारियाले दशौँ मिनेटमा गोल गर्दै अर्जेन्टिनालाई सुरुआती अग्रता दिलाएका थिए ।

तर, खेलको २० औं मिनेटमा बेन डियाजले गोल गर्दै चिलीलाई १-१ को स्थितिमा ल्याए ।

त्यसपछि खेलको ३४ औं मिनेटमा लाउटरो मार्टिनेजले गोल गर्दै अर्जेन्टिनालाई २-१ को जित दिलाए ।

यस जितसँगै अर्जेन्टिनाले १४ खेलमा ३२ अंक जोडेको छ । अर्जेन्टिना दोस्रो स्थानमा रहेको छ ।

अर्जेन्टिना यस अघि नै विश्वकपमा छनोट भईसकेको छ ।

चिली १६ अंक जोडेर सातौं स्थानमा रहेको छ ।