विन्टर ओलम्पिक - कृत्रिम हिउँले वातावरणलाई खतरा

काठमाडौं । चीनमा आयोजना हुनेविन्टर ओलम्पिक फेब्रुअरी ४ देखि २० सम्म बेईजिङमा सञ्चालन हुदैछ ।

चीनले पहिलो पटक विन्टर ओलम्पिक आयोजना गर्न लागेको हो ।

बेईजिङ विन्टर ओलम्पिक शतप्रतिशत कृत्रिम हिउँमा निर्भर हुने पहिलो विन्टर ओलम्पिक हुनेछ ।

तर, विन्टर ओलम्पिकमा प्रयोग हुने कृत्रिम हिउँले वातावरणमा खतरा पुग्ने एक प्रतिवेदनले देखाएको छ ।

इंग्ल्यान्डको लफबरो युनिभर्सिटीको खेलकुद इकोलोजी समूह र सेभ आवर विन्टर्सको प्रतिवेदनले कृत्रिम हिउँबाट हुने वातावरणीय खतराको रूपरेखा प्रस्तुत गरेको छ ।

विन्टर ओलम्पिकका लागि कृत्रिम हिउँ निर्माण गर्न २ सय २२ मिलियन लिटर पानी आवश्यक पर्ने बताईएको छ ।  

कृत्रिम हिउँले खेलाडीका लागि समेत खतरानक रहेको प्रतिवेदनमा उल्लेख गरिएको छ ।