मरिससका ४ खेलाडीमा कोरोना संक्रमण  

काठमाडौं । मैत्रीपूर्ण खेल खेल्न नेपाल आएका अफ्रिकी राष्ट्र मरिससका चार खेलाडीमा कोरोना भाईरसको संक्रमण देखिएको छ ।

मरिसस फुटबल एसोसियसनले मंगलबार चार खेलाडीको कोरोना देखिएको जनाएको छ ।

कोरोना देखिने खेलाडीमा लोइक मिशेल, वाल्टर सेन्ट मार्टिन, हान्स पाटेट र कर्लसन अगाथे रहेका छन् ।

मरिससको टोली सोमबार नेपाल आईपुगेका थिए ।  

नेपालले दशरथ रंगशालामा मरिसससँग दुई मैत्रीपूर्ण खेल खेल्नेछ । दुई खेलको मैत्रीपूर्ण  जनवरी २९ र फेब्रुअरी १ मा हुनेछ ।

मरिसस फिफा वरीयतामा १ सय ७२ औं स्थानमा रहेको छ।

नेपालले पहिलो पटक अफ्रिकी राष्ट्रसँग खेल्न लागेको हो ।