मार्सियल सेभियामा अनुबन्धित हुँदै

काठमाडौं ।  स्पेनिस क्लब सेभियाले फ्रेन्च स्ट्राइकर एन्थोनी मार्सियललाई लोनमा अनुबन्ध गर्ने भएको छ ।

मार्सियल अनुबन्धको लागि सेभिया र इंग्लिस क्लब म्यानचेस्टर युनाईटेडबीच सहमति बनेको छ ।

सेभियाले मार्सियललाई यस सिजनको अन्तिमसम्मका लागि लोनमा अनुबन्ध गर्ने भएको हो ।

मार्सियलको मंगलबार मेडिकल हुने बताईएको छ ।

२६ वर्षीय स्ट्राइकर मार्सियल सन् २०१५ मा मोनाकोबाट युनाईटेड आएका थिए ।

त्यति बेला युनाईटेडले उनका लागि ३ करोड ६० लाख पाउन्ड तिरेको थियो र यसक्रममा उनी सर्वाधिक महँगा किशोर खेलाडी भएका थिए ।

युनाईटेडका लागि उनले २ सय ६८ खेल खेल्दै ७९ गोल गरेका छन् ।

मार्सियलले यस सिजन दुई प्रिमियर लिग खेलमा १ गोल गरेका छन् ।

उनले यस सिजन सबैखाले प्रतियोगितामा १० खेल खेलेका छन् ।