मिडफिल्डर बोगा एट्लान्टामा

काठमाडौं । इटालियन क्लब एट्लान्टाले मिडफिल्डर जेरमी बोगालाई अनुबन्ध गरेको छ ।

एट्लान्टाले आइभरी कोस्टका मिडफिल्डर बोगालाई सासोउलोबाट अनुबन्ध गरेको हो ।

२५ वर्षीय मिडफिल्डरले एट्लान्टासँग ५ वर्षेको सम्झौता गरेका छन् ।

चेल्सीका पूर्व खेलाडी बोगा सासोउलोमा तीन वर्ष बिताएर एट्लान्टा आएका हुन् ।

सासोउलोका लागि उनले यस सिजन १२ सिरी ए खेल खेलेका थिए ।

बोगाले आइभरी कोस्टका लागि ७ खेलमा १ गोल गरेका छन् ।