‘नेपालसँगको खेलका लागि उत्साहित छौ’

काठमाडौं । मरिसस फुटबल टिमका मुख्य प्रशिक्षक टोनी फ्रान्कोइसले नेपालसँगको मैत्रीपूर्ण खेलका लागि उत्साहित रहेको बताएका छन् ।

त्रिभुवन अन्तर्राष्ट्रिय विमानस्थलमा प्रतिक्रिया दिदै प्रशिक्षक टोनीले नेपालसँगको मैत्रीपूर्णका लागि आफ्नो टिम उत्साहित रहेको बताएका हुन् ।

मरिससले दशरथ रंगशालामा नेपालविरुद्ध दुई मैत्रीपूर्ण खेल खेल्नेछ । 

खेल जनवरी २९ र फेब्रुअरी १ तारिखमा हुनेछ । 

मानकोरले नेपाल बलियो टोली रहेको समेत बताए ।

‘नेपाल बलियो टोली हो तर मरिसस र नेपालबीचको खेल प्रतिस्पर्धात्मक हुने छ,’ प्रशिक्षक टोनी फ्रान्कोइसले जनाए । 

मरिससले नेपालविरुद्धको मैत्रीपूर्ण खेललाई सन् २०२३ मा हुने अफ्रिका कप अफ नेसन्सको छनोटको तयारीको रुपमा लिएको छ । 

नेपालले भने पहिलो पटक अफ्रिकी राष्ट्र मैत्रीपूर्ण खेल खेल्न लागेको हो ।