आईपीएलको अक्सनमा १५ नेपाली खेलाडी

काठमाडौं । इन्डियन प्रिमियर लिग (आईपीएल) टी-ट्वान्टी क्रिकेटको अक्सनका लागि नेपालका १५ खेलाडीले नाम दर्ता गराएका छन् ।

आईपीएलले शनिबार सार्वजनिक गरेको अक्सनमा सहभागी खेलाडीको सूचीमा नेपालका १५ खेलाडीले दर्ता गरेको जनाएको छ ।

नेपालका कप्तान तथा लेग स्पिनर सन्दीप लामिछानेले मात्र आईपीएल खेलेका छन् ।

नयाँ सिजनको आईपीएलका लागि अक्सनमा कुल १ हजार २ सय १४ खेलाडी सामेल हुनेछन् ।

जसमा ८ सय ९६ भारतका र ३ सय १८ खेलाडी विदेशी रहेका छन् ।

एसोसियट राष्ट्रबाट कुल ४१ खेलाडीले नाम दर्ता गराउदा नेपालबाट १५ खेलाडीले दर्ता गरेको हो ।

नेपालपछि अमेरिकाका १४ खेलाडीले नाम दर्ता गरेका छन् ।

यस्तै भुटानबाट एक खेलाडीले नाम दर्ता गरेका छन् ।

अक्सन फेब्रुअरी १२ र १३ मा बैंगलोरमा हुनेछ ।

आगामी संस्करणमा १० टोलीले प्रतिस्पर्धा गर्ने छन् ।