दक्षिण अफ्रिकालाई सिरिज

काठमाडौं । भारतविरुद्ध तीन खेलको टेस्ट सिरिज घरेलु टोली दक्षिण अफ्रिकाले २–१ ले जितेको छ । 

केप टाउनमा भएको तेस्रो तथा अन्तिम टेस्ट ७ विकेटले जित्दै दक्षिण अफ्रिकाले सिरिज जितेको हो । 

जितका लागि दोस्रो इनिङ्समा चाहिएको २ सय १२ रनको लक्ष्य दक्षिण अफ्रिकाले ३ विकेट गुमाएर पुरा गर्यो ।

दक्षिण अफ्रिकाको जितमा किगन पिटरसनले सर्वाधिक ८२ रनको योगदान गरे । 

रासी भान डेर डुसेन ४१ तथा टेम्बा बाभुमा ३२ रनमा अविजित रहे । 

भारतका जसप्रित बुमराह, मोहम्मद सामी र सर्दुल ठाकुरले एक–एक विकेट लिए । 

यस अघि पहिलो इनिङ्समा भने भारतले २ सय २३ रन जोड्दा दक्षिण अफ्रिकाले २ सय १० रन बनाएको थियो ।

दोस्रो इनिङ्समा भारत १ सय ९८ रनमा अलआउट भएको थियो । 

रिसभ पन्तले भारतका लागि शतकिय इनिङ्स खेलेका थिए । उनले एक सय रनको योगदान गरे । 

भारतविरुद्ध दोस्रो इनिङ्समा दक्षिण अफ्रिकाका मार्को जानसेनले सर्वाधिक ४ विकेट हात पारे । 

कगिसो रवाडा र लुंगी नगिडीले समान ३–३ विकेट लिए ।