गण्डकी प्रदेशस्तरीय खुल्ला आर्चरी प्रतियोगिता सुरु

नारायण क्षेत्री

पोखरा  । नेपाल इन्भेस्टमेन्ट बैंकको मुख्य प्रायोजनमा पोखरामा शुक्रबारदेखि गण्डकी प्रदेश स्तरीय खुल्ला पुरुष आर्चरी प्रतियोगिता सुरु भएको छ ।

नवौं राष्ट्रिय खेलकुद प्रतियोगितालाई लक्षित गरी पोखरा रंगशालास्थित आर्चरी मैदानमा शुरु भएको प्रतियोगिताको पहिलो दिन नकआउट चरणबाट ३२ जना खेलाडी छनोट भएका छन् ।

पहिलो चरणमा ¥याङकिङ राउण्डबाट ६४ खेलाडी छनोट गरिएको थियो । ६४ जनाको नकाउट चरणबाट ३२ जना छनोट भएका हुन् । ¥याङकिङ राउण्डमा म्याग्दीका २४ वर्षीय सुजन पुन सर्वाधिक स्कोर बनाउँदैं ¥याङकिङको शीर्ष स्थानमा रहेको कास्की जिल्ला आर्चरी संघका अध्यक्ष योगेन्द्र शेरचनले जानकारी दिए । शीर्षस्थानमा रहँदै नकाउट राउण्ड प्रवेश गरेका उनले नगद ५ हजार रुपैयाँ प्राप्त गरे ।  

पहिलो दिनको ¥याङकिङ राउण्डमा खेलाडीहरुले १० डोर प्रहार गरेका थिए । प्रतियोगितामा बाग्लुङ, पर्वत, म्याग्दी, मुस्ताङ, मनाङ र कास्की गरी ६ वटा जिल्लाका खेलाडीहरुको सहभागिता रहेको छ । शनिबार ३२ जनाबाट उत्कृष्ट ४ जनालाई नगद पुरस्कार प्रदान गरिने प्रतियोगिता संयोजक बसन्त गौचनले बताए । प्रतियोगितामा प्रथम हुने खेलाडीले २५, दोस्रो हुनेले २०, तेस्रो हुनेले १५ र चौंथो हुने खेलाडीले १० हजार नगद तथा मेडल र प्रमाणपत्र प्राप्त गर्नेछन् ।

प्रतियोगिताबाट १० खेलाडी नवौं राष्ट्रिय खेलकुद प्रतियोगिताको लागि छनोट गरिने छ । उत्कृष्ट चारसहित अन्य ६ जनालाई छनोट गरेर बन्द प्रशिक्षणमा राखिने संघका अध्यक्ष शेरचनले जानकारी दिए । १० जनाबाट पनि अन्तिम चरणमा ४ जना मात्रै छनोट गरेर नवौं राष्ट्रिय खेलकुद प्रतियोगिताको लागि तयारी गर्ने गरी प्रशिक्षणमा राखिने अध्यक्ष शेरचनले बताए । प्रदेश खेलकुद परिषद् गण्डकी र यूवा तथा खेलकुद मन्त्रालय गण्डकीको सहयोगमा भएको प्रतियोगिताको गण्डकी प्रदेशका यूवा तथा खेलकुद मन्त्री राजीव गुरुङले उद्घाटन गरे ।