खेलकुद मन्त्रालयको सहजीकरण गोष्ठी

काठमाडौं । युवा तथा खेलकुद मन्त्रालयको आयोजनामा युवा सम्बन्धी कार्यक्रमहरुको अन्तरमन्त्रालय समन्वय र सहजीकरण गोष्ठी सोमबार सम्पन्न भएको छ ।

सिंहदरबारस्थित खेलकुद मन्त्रालयको सहभाकक्षमा भएको गोष्ठीमा खेलकुद मन्त्रालयसहित राष्ट्रिय युवा परिषद्, राष्ट्रिय खेलकुद परिषद्, युवा साना व्यवसायी तथा स्वरोजगार कोष, नेपाल स्काउट, गृह मन्त्रालय, भूमि व्यवस्था, सहकारी तथा गरिबी निवारण मन्त्रालय, कृषि, पशुपञ्छी विकास मन्त्रालय, उद्योग, बाणिज्य तथा आपूर्ति मन्त्रालय, शिक्षा, विज्ञान तथा प्रविधि मन्त्रालय, कानून, न्याय तथा संसदीय मामिला मन्त्रालय, महिला बालबालिका तथा जेष्ठ नागरिक मन्त्रालय, श्रम, रोजगार तथा सामाजिक सूरक्षा मन्त्रालय र स्वास्थ्य तथा जनसंख्या मन्त्रालयका प्रतिनिधिहरुको उपस्थिति रहेको थियो ।

सो अवसरमा विभिन्न मन्त्रालय तथा संस्थाका प्रतिनिधिहरुले आ–आफ्नो प्रस्तुती पेश गरेका थिए । खेलकुद मन्त्रालयका सचिव डा. दामोदर रेग्मीले सहभागी सबैलाई धन्यवाद दिएका थिए ।