ब्रिगेडमा भारतीय गोलकिपर

काठमाडौं । 'ए' डिभिजन क्लब ब्रिगेड ब्वाइज क्लबले भारतीय गोलकिपर गुरप्रित सिंह चाबललाई अनुबन्ध गरेको छ । 

ब्रिगेडले जारी सहिद स्मारक ए डिभिजन लिग फुटबलका लागि गुरप्रितलाई अनुबन्ध गरेको हो । 

ब्रिगेड यस सिजन ६ खेलमा ५ अंक जोडेर ११ औं स्थानमा रहेको छ ।

गुरुप्रितको इलाइट हेल्थ क्लिनिकमा  मेडिकल समेत सम्पन्न भएको क्लबका सदस्य डा विनय भट्टराईले जानकारी गराए ।

२६ वर्षीय गोलकिपरले टाटा फुटबल एकेडेमीबाट करियरको सुरुआत गरेका थिए ।

व्यवसायिक फुटबलको सुरुआत भने उनले डेम्पो एफसीबाट गरेका थिए ।

त्यसबाहेक उनले दिल्ली युनाईटेड, नर्थ इस्ट युनाईटेड, ऐजवल एफसीबाट समेत खेलिसकेका छन् ।

पछिल्लो सिजन उनले कर्बर्ट एफसीबाट आईलिग खेलेका थिए ।