सिटीलाई आठ अंकको अग्रता

काठमाडौं । इंग्लिस प्रिमियर लिग फुटबलमा लिग लिडर म्यानचेस्टर सिटीले जित निकालेको छ ।

बुधबार राति भएको खेलमा सिटीले ब्रेन्टफोर्डलाई १-० गोल अन्तरले हराएको हो ।

सिटीको जितमा फिल फोडेनले निर्णायक गोल गरे ।

फोडेनले १६ औं मिनेटमा केभिन डी ब्रुएनको पासमा गोल गरेका हुन् ।

यस्तै ८७ औं मिनेटमा एम्रिक लापोर्टाको गोलले मान्यता पाएन । भीएआरमा उनको गोल अफसाइड देखिएको थियो ।

जितसँगै सिटीले २० खेलमा ५० अंक जोडेको छ ।

सिटीले शीर्ष स्थानमा आठ अंकको अग्रता बनाएको छ ।

दोस्रो स्थानको चेल्सीको ४२ अंक रहेको छ ।

ब्रेन्टफोर्ड २० अंक जोडेर १४ औं स्थानमा रहेको छ ।