बराबरीमा रोकियो टोटेनहम

काठमाडौं । इंग्लिस प्रिमियर लिग फुटबलमा टोटेनहम बराबरीमा रोकिएको छ ।

मंगलबार भएको खेलमा टोटेनहम साउथह्याम्पटनसँग १-१ गोलको बराबरीमा रोकिएको हो ।

खेलको २५ औं मिनेटमा जेम्स वार्डले गोल गर्दै साउथह्याम्पटनलाई अग्रता दिलाएका थिए ।

३९ औं मिनेटमा मोहमद सालिसुले रातो कार्ड पाएपछि साउथह्याम्पटन १० खेलाडीमा समेटियो ।

लगत्तै ४१ औं मिनेटमा ह्यारी केनले पेनाल्टीमा गोल गर्दै टोटेनहमलाई १-१ गोलको बराबरीमा ल्याए ।

यस्तै खेलको ५३ औं मिनेटमा केनले गोल गरेका थिए । तर, भीएआरमा अफसाइड देखिएपछि उनको गोलले मान्यता पाएन ।

यस बराबरीसँगै टोटेनहमले १७ खेलमा ३० अंक जोडेको छ ।

टोटेनहम छैटौं स्थानमा रहेको छ ।

साउथह्याम्पटन २१ अंक जोडेर १३ औं स्थानमा रहेको छ ।

अर्को खेलमा क्रिस्टल प्यालेसले नर्विचलाई ३-० ले हराएको छ ।

वेस्ट ह्यामले वाट्फोर्डलाई ४-१ ले हराएको छ ।