त्रिवेणी कप फुटबलको विजेताले ५ लाख पाउने

बेसीसहर । लमजुङको बेसीसहरमा २९ औं त्रिवेणी कप फुटबल प्रतियोगिता भोलि मंगलबारबाट सुरु हुने भएको छ ।

आगामी पुस २० गतेसम्म चल्ने प्रतियोगितामा १८ टोलीको सहभागिता रहेको छ ।

प्रतियोगिताको उद्घाटनमा त्रिवेणी युवा क्लब र भिमाद युथ क्लबबीच प्रतिस्पर्धा हुनेछ ।

प्रतियोगिताको विजेताले ५ लाख र उपविजेताले ३ लाख पाउने आयोजक त्रिवेणी युवा क्लबले जनाएको छ ।

यस्तै सेमिफाइनलमा पराजित टोलीले ५०/५० हजार पाउने छन् ।

सर्वाधिक गोलकर्ता र सर्वोत्कृष्ट खेलाडीले जनही १५ हजार पाउने छन् ।

क्वाटरफाइनलपछिको म्यान अफ दि म्याचले २५ सय र फाइनलको म्यान अफ दि म्याचले ५ हजार पाउने छन् ।