बार्सिलोनाको संघर्षपूर्ण जित

काठमाडौं । स्पेनिस ला लिगा फुटबलमा बार्सिलोनाले संघर्षपूर्ण जित निकालेको छ ।

शनिबार राति भएको खेलमा बार्सिलोनाले इल्चेलाई ३-२ गोल अन्तरले हराएको हो ।

खेलको १६ औं मिनेटमा फेरान ब्लाङ्कले गोल गर्दै बार्सिलोनालाई सुरुआती  अग्रता दिलाएका थिए ।

खेलको १९ औं मिनेटमा गाभीले गोल गर्दा बार्सिलोनाको अग्रता २-० को बन्यो ।

६२ औं मिनेटमा टेटे मोरेन्टेले गोल गर्दै इल्चेलाई २-१ को स्थितिमा ल्याए ।

खेलको ६३ औं मिनेटमा इल्चेका पेरे मिल्लाले गोल गरेपछि खेल २-२ को स्थितिमा पुग्यो ।

त्यसपछि खेलको ८५ औं मिनेटमा निको गोन्जालेजले गोल गर्दै बार्सिलोनालाई ३-२ को जित दिलाए ।

यस जितसँगै १७ खेलमा २७ अंक जोडेको छ ।

बार्सिलोना लिगको सातौं स्थानमा रहेको छ ।

इल्चे १५ अंक जोडेर १६ औं स्थानमा रहेको छ ।