बंगालदेशविरुद्ध पाकिस्तानलाई अग्रता 

काठमाडौं । पाहुना टोली पाकिस्तानले बंगलादेशविरुद्धको पहिलो टेस्ट क्रिकेटमा जित दर्ता गरेको छ । 

दुई खेलको सिरिजको पहिलो खेल पाकिस्तानले ८ विकेटले जितेको हो । 

चटोग्राममा जितका लागि चाहिएको २ सय २ रनको लक्ष्य पाकिस्तानले २ विकेट गुमाएर पुरा गर्यो । 

पाकिस्तानलाई जित दिलाउन दोस्रो इनिङ्समा अविड अलीले सर्वाधिक ९१ रनको योगदान गरे । अब्दुल्लाह सफिकले ७३ रन जोडे । 

बंगलादेशका मेहदी हसन मिराज र तैजुल इस्लामले एक–एक विकेटले हात पारे । 

यस अघि पहिले ब्याटिङ गरेको बंगलादेशले पहिलो इनिङ्समा ३ सय ३० रन जोडेको थियो । 

बंगलादेशका लागि लिटोन दासले १ सय १४ तथा मुसफिकर रहिमले ९१ रनको योगदान गरेका थिए । 

पाकिस्तानका हसन अलीले सर्वाधिक ५ विकेट हात पारे । 

पहिलो इनिङ्सको जवाफमा पाकिस्तानले २ सय ८६ रन जोडेको थियो । 

पाकिस्तानका लागि अविड अलीले १ सय ३३ रनको योगदान गरेका थिए । 

बंगलादेशका तैजुल इस्लामले ७ विकेट हात पारेका थिए । 

दोस्रो इनिङ्समा भने बंगलादेश सस्तैमा समेटिएको थियो । उसले केवल १ सय ५७ रन मात्र जोड्न सक्यो । 

लिटन दासले सर्वाधिक ५९ रनको योगदान गरे । 

पाकिस्तानका साहिन शाह अप्रिदीले सर्वाधिक ५ विकेट हात पारे ।