काठमाडौं । कन्काई नगरपालिकाकी दिपा शाही उपमेयर कप राष्ट्रिय महिला लिग छनौट प्रतियोगितामा सर्वोत्कृष्ट खेलाडी चुनिएकी छिन् ।
एन्फा कम्प्लेक्स सातदोबाटोमा आइतबार सम्पन्न प्रतियोगितामा दिपा सर्वोत्कृष्ट चयन भएकी हुन् ।
सर्वोत्कृष्ट चयन भएसँगै दिपाले नगद ५० हजारसहित ट्रफी प्राप्त गरिन् ।
यस्तै उत्कृष्ट गोलकिपर धनगढीकी उषा नाथ, उत्कृष्ट डिफेन्डर ललितपुरकी सिर्जना सिंह, उत्कृष्ट मिडफिल्डर धनगढीकी सरस्वती रोकाया, उत्कृष्ट फरवार्ड धनगढीकी चन्द्रा भण्डारी चयन भईन् ।
यस्तै उत्कृष्ट प्रशिक्षकको अवार्ड धनगढीका रगवान्दर कार्कीले हात पारे । उत्कृष्ट हुनेले नगद २० हजार प्राप्त गरे ।
प्रतियोगिताको उपाधि भने धनगढी उपमहानगरपालिकाले जितेको छ ।
फाइनलमा ललितपुर महानगरपालिकालाई पेनाल्टी सुटआउटमा ३-१ ले पराजित गर्दै धनगढी च्याम्पियन बनेको हो ।
-1751696964.webp)
