काठमाडौं । टाहिटीको एएस भेनसले फ्रेन्च कप अन्तर्गतको ट्रेलिसाकविरुद्धको खेलका लागि २० हजार माइलको दुईतर्फी यात्रा गरेको छ ।
टाहिटीको १० पटकको च्याम्पियन भेनसको सो यात्रा भने कष्टकर सावित भएको छ ।
भेनसले ट्रेलिसाकविरुद्ध २–० ले हार भोग्यो ।
फ्रेन्च पोलिनेसियाको टाहिटी प्यासिफिक महासागरमा रहेको एउटा टापूहरुको समूह हो ।
भेनसले घरेलु प्रतियोगितामा पछिल्लो पटक सफलता चाख्दै फ्रेन्च कपका लागि छनोट भयो ।
फ्रेन्च कपमा फ्रान्सका विभिन्न विदेशी क्षेत्रमा रहेका टिमहरुले सहभागिता जनाउन पाउछन् ।
सन् २०२० मा हिन्द महासागरको रियुनियन टापुको टोलीले ६ हजार माइलको यात्रा गर्दै प्रतियोगिताको अन्तिम ३२ मा स्थान बनाउन खुबै चर्चा भएको थियो ।
तर फ्रान्सको चौथो डिभिजनको ट्रेलिसाकविरुद्धको खेलका लागि भेनसले गरेको १० हजार माइल एकतर्फि यात्राले त्यसलाई पछि पारेको छ ।
खेल अघि भेनसका मुख्य प्रशिक्षक सामुएल गार्सियाले उसको टोली फ्रान्स आउन पाउँदा खुसी भएको प्रतिक्रिया दिएका थिए ।
जित हात पारेको भए भेनसले आठौ चरणको यात्रा तय गर्ने थियो तर पराजयपछि उनीहरुले अब फ्रेन्च कपमा छनोट हुन पुनः घरेलु प्रतियोगिता पोलिनेसिया कप जित्नुपर्नेछ ।
यता ओसियन फुटबल कन्फेडेरेसनले भने भेसनको १० हजार माइलको यात्रा भने सबै भन्दा लामो होइन, यस अघि सन् २०१५ मा उसले न्यू क्यालेडोनियाका लागि १० हजार ५ सय माइलको यात्रा तय गरेको थियो ।
-1751696964.webp)
