एजेन्सी । इङ्लिस प्रिमियर लिग फुटबलमा आज (आईतबार) राति चार हुँदैछन् ।
महत्वपूर्ण खेलमा लिभरपुल वेस्ट ह्यामको भ्रमणमा निस्कदैछ । एनफिल्ड क्लबलाई जित निकाल्दै शीर्ष स्थानको चेल्सी र म्यानचेस्टर सिटीमाथि दबाब बढाउने अवसर छ ।
मुख्य प्रशिक्षक योर्गेन क्लोपलाई खेलाडीको चोटले समस्यामा परेको छ ।
रोबर्टो फिमिन्हो चोटका कारण चार हप्ता मैदान बाहिर रहने भएका छन् । एट्लेटिको मड्रिडविरुद्धको खेलमा उनले चोट बोकेका थिए ।
जेम्स मिल्नर र नाबी केइटा ह्यामस्ट्रिङका कारण समस्यामा छन् ।
एनफिल्ड क्लबका लागि कर्टिस जोन्स मैदान उत्रन सक्छन् । उनी मंगलबारबाट अभ्यासमा फर्किएका छन् ।
जोए गोमेज समेत तिघ्राको चोटबाट मुक्त हुँदै मैदान देखिन सक्नेछन् । थियागो समेत सुरुवातमै रहेर मैदानमा देखिन सक्नेछन् । करिब ७ सातापछि चोटबाट निको हुँदै उनी मैदान फर्कन लागेका हुन् । बुधबार च्याम्पियन्स लिगमा प्राप्त जितमा उनी वैकल्पिक खेलाडीको रुपमा मैदान छिरेका थिए ।
यता, घरेलु टोली वेस्ट ह्याम एन्ड्री यारमोलेको र निकोला ब्लासिकको अवस्थालाई निगरानी गरिरहेको छ । चोटका कारण दुवै खेलाडी पछिल्लो खेलमा छुटेका थिए ।
क्लबले गत बिहिबार भएको खेलमा टिममा ७ खेलाडी परिवर्तन गरिएको थियो । आईतबारको खेलमा मुख्य खेलाडीलाई टिममा फर्काईएको छ । लुकाज फेबियन्स्की, टोमस सौसेक, पाब्लो फोर्नल्स र जारोड बोवेनलाई टिममा बोलाईएको हो ।
आईतबार रातिनै हुने अन्य खेलमा लण्डन क्लब आर्सनलले रेलिगेशन जोन नजिक रहेको वाटफोर्डलाई घरेलु मैदानमा आतिथ्यता प्रदान गर्नेछ ।
भर्खरै प्रशिक्षकमा नियुक्त भएका एन्टोनियो कोन्टेको टोटेनहम एभर्टनको भ्रमणमा निस्कदा रेलिगेशन जोन नजिक रहेको लिड्सले लेस्टर सिटीलाई आतिथ्यता प्रदान गर्नेछ ।
