प्रि-सिजन : थ्री स्टारले मनाङलाई हरायो

सुमन भुसाल ।

काठमाडौं । प्रि–सिजन अन्तर्गत मैत्रीपूर्ण खेलमा थ्री स्टाराले मनाङ मस्र्याङ्दी क्लबलाई हराएको छ ।

सातदोबाटोस्थित एन्फा कम्प्लेक्समा बुधबार भएको खेलमा थ्री स्टारले मनाङलाई २–१ ले हरायो ।

थ्री स्टारको कप्तानी बिक्रम लामा र मनाङको कप्तानी अन्जन विष्टले गरेका थिए ।

थ्री स्टारका लागि विजय भुजेल र निशान खड्का । मनाङका लागि ओलावले अफिजले एक गोल फर्काए ।

यस सिजनको ए डिभिजन लिगको तयारीमा रहेका दुवै टिमले मैत्रीपूर्ण फुटबल खेलेका हुन् ।

यस वर्षको लिग कात्तिक २९ गतेबाट सुरु हुदैछ ।

प्रि–सिजन अन्तर्गत सबै टिम आन्तरिक तयारीमा रहेका छन् । अधिकाशं सबै टिमले बन्द प्रशिक्षकसँगै मैत्रीपूर्ण खेलमा समेत सहभागी बनेका छन् ।

थ्री स्टार र मनाङले यस सिजन उपाधि जित्ने लक्ष्य सहित टिम बनाएका छन् ।