जिदानको पूरा नभएको एउटा सपना

एजेन्सी ।

अहिले जिनेदिन जिदान खुबै आरामको जीवन बिताइरहेका छन् ।

उनको अधिकांस समय परिवारसँगै बितिरहेको छ । रियल म्याड्रिड छाडेयता उनलाई कुनै प्रकारको तनाव बोक्नु परेको छैन।

तर पनि खेलाडी र प्रशिक्षक दुवैमा सफल यी जिदानले एउटा सपना भने कहिले पनि पूरा गर्न पाएनन् र त्यो हो, मार्सेका लागि कहिले पनि खेल्न नपाउनु ।

खेलाडी छँदा जिदानले बोर्डो, युभेन्ट्स र रियलबाट खेले । तर उनले कहिले पनि मार्सेबाट खेल्न पाएनन् ।

उनी भन्छन्, ‘म मार्सेबाट हुं । मैले सानो उमेरमै मार्से छाडें, तर म समय समयमा यहाँ फर्किरहेको हुन्छ, किनभने म मार्सेको मान्छे हुं । यो नै मेरो परिचय हो र मार्सेप्रति मेरो धारणा यस्तै रहनेछ ।’