नर्विचमाथि लिड्सको जित

काठमाडौं । इंग्लिस प्रिमियर लिग फुटबलमा लिड्स युनाईटेडले जित निकालेको छ ।

आइतबार भएको खेलमा लिड्सले नर्विचलाई २-१ गोल अन्तरले हराएको हो ।

खेलको ५६ औं मिनेटमा राफिन्हाले गोल गर्दै लिड्सलाई अग्रता दिलाएका थिए।

खेलको ५८ औं मिनेटमा एन्ड्रयु ओमोबाम्डिलेले गोल गर्दै नर्विचलाई १-१ गोलको बराबरीमा फर्काए ।

त्यसपछि खेलको ६० औं मिनेटमा रोड्रिगोले गोल गर्दै लिड्सलाई २-१ को जित दिलाए ।

जितसँगै लिड्सले १० खेलमा १० अंक जोडेको छ ।

लिड्स १७ औं स्थानमा रहेको छ ।  

नर्विच २ अंक जोडेर पुछारमा रहेको छ ।