काठमाडौं । नेपाली राष्ट्रिय फुटबल टिमका मुख्य प्रशिक्षक अब्दुल्लाह अलमुताइरीले २०२७ मा हुने एएफसी एसियन कप फुटबल प्रतियोगिताका लागि छनोट हुने विश्वास व्यक्त गरेका छन् ।
शनिबार नेपाल आईपुगेपछि विमानस्थलमा प्रतिक्रिया दिदै अलमुताइरीले एसियन कपका लागि छनोट हुने विश्वास व्यक्त गरेका हुन् ।
‘यदी हामीले कडा मेहनत गर्यौ भने हामी सन् २०२७ को एसियन कपका लागि छनोट हुन सक्नेछौ,’ अलमुताइरीले भने ।
अहिले भने सन् २०२३ मा हुने एसियन कपको छनोट खेलहरु हुँदैछ ।
तर अलमुताइरीले सन् २०२३ को एसियन कपमा नेपाल छनोट हुन सक्ने वा नसक्नेबारे वाचा गर्न नसक्ने बताए ।
‘म २०२३ को एसियन कपका लागि नेपाल छनोट हुन्छ वा हुन सक्दैन म त्यो वाचा गर्न सक्दिन तर आगामी संस्करणका लागि मेहनत गर्यौ भने हामी छनोट हुन्छौ,’ उनले थपे ।
अखिल नेपाल फुटबल संघ (एन्फा) सँग दुई वर्षको सम्झौता नवीकरण गरेपछि उनी नेपाल आइपुगेका हुन् ।
उनले सम्झौता एक वर्ष बाँकी छदै नवीकरण गरेका हुन् ।
-1751597995.webp)
-1751593454.webp)
