एरिक्सनले यस सिजन खेल्न नपाउने

काठमाडौं । इटालियन क्लब इन्टर मिलानका मिडफिल्डर क्रिस्टियन एरिक्सनले यस सिजनको सिरी 'ए' फुटबल खेल्न नपाउने भएका छन् ।

इन्टरले शुक्रबार यस सिजनको लिग खेल्न एरिक्सनले अनुमति नपाएको जनाएको छ।

इटालियन मेडिकल अधिकारीले उनलाई खेल्नका लागि अनुमति नदिएको इन्टरले बताएको छ ।

युरोकप फुटबल दौरान हृदयघात भएपछि डेनमार्कका मिडफिल्डर एरिक्सन खेलमा फर्किएका छैनन् ।

हृदयघातपछि उनको शरीरमा मुटुको गति नियन्त्रण गर्ने स्वचालित यन्त्र इम्प्लान्टेबल कार्डियोभर्टर डेफिब्रिलेटर (आइसिडी)  जडान गरिएको छ ।

युरोकपमा फिनल्याण्डविरुद्धको खेल दौरान हृदयघात भएर एरिक्सन मैदानमा ढलेका थिए  ।

मैदानमा ढलेपछि २९ वर्षीय मिडफिल्डरलाई तत्काल मैदानमै सीपीआर दिईएको थियो । जसको कारण उनको ज्यान बचेको थियो ।