म्यारोडोना कपमा बार्सिलोना र बोका जुनियर्स भिड्ने

काठमाडौं । अर्जेन्टिनाका महान खेलाडी डिएगो म्यारोडोनाको सम्झनामा बार्सिलोना र बोका जुनियर्सबीच मैत्रीपूर्ण खेल हुने भएको छ ।

म्यारोडोनाको सम्झनामा स्पेनिस क्लब र अर्जेन्टिनी क्लबबीच मैत्रीपूर्ण खेल हुन लागेको हो ।

साउदी अरेबियामा आयोजना हुने मैत्रीपूर्ण खेल डिसेम्बर १४ मा हुनेछ । मैत्रीपूर्ण खेलको नाम 'म्यारोडोना कप' राखिएको छ ।

म्यारोडोनाको गत नोभेम्बरमा ६० वर्षको उमेरमा निधन भएको थियो ।

अर्जेन्टिनाका पूर्व प्रशिक्षक समेत रहेका म्यारोडोना विश्व फुटबलका महान खेलाडी मानिन्छन् ।

म्यारोडोनाले अर्जेन्टिनालाई सन् १९८६ मा विश्वकपको उपाधि दिलाएका थिए ।