पहिलो हाफमा इरानसँग नेपालको बराबरी
काठमाडौं । एएफसी यू-२३ एसियन कप छनोटमा नेपालले अहिले बलियो टिम इरानविरुद्ध प्रतिस्पर्धा गरिरहेको छ ।
ताजिकिस्तानको रिपब्लिकन सेन्ट्रल स्टेडियममा जारी खेलको पहिलो हाफ सकिदा नेपाल र इरानबीच गोलरहित बराबरी भएको छ ।
इरानले १७ औं मिनेटमा पेनाल्टीमा गोल गर्न सकेन । उसका कप्तानको प्रहार बाहिरिएको थियो ।
इरानविरुद्धको यू-२३ खेलमा नेपालले अहिलेसम्म जित निकाल्न सकेको छैन ।
नेपालले यू-२३ एसियन कप छनोटमा इरानसँग दोस्रो पटक खेल्न लागेको हो । यस अघि नेपालले सन् २०१५ मा इरानसँग उसैको घरेलु मैदानमा खेलेको थियो । त्यस खेलमा इरानले नेपाललाई ५-० ले पराजित गरेको थियो ।
छनोटको समूह 'बी' मा रहेको नेपालले दोस्रो खेलमा ताजिकिस्तानसँग अक्टोबर २८ मा खेल्दा अन्तिम खेल लेबनानसँग अक्टोबर ३१ मा खेल्नेछ ।
समूहको शीर्ष टोलीले एएफसी यू-२३ एसियन कप खेल्नेछन् । यस्तै दोस्रो टोली मध्ये उत्कृष्ट चार टोली पनि यू-२३ एसियन कपमा छनोट हुनेछन् ।
उज्वेकिस्तानमा हुने फाइनल चरणको प्रतियोगिता २०२२ को जुन १ देखि १९ सम्म हुने तालिका रहेको छ।
