जीवनले गरे थ्री स्टारसँग सम्झौता नवीकरण

काठमाडौं । ललितपुरको 'ए' डिभिजन क्लब थ्री स्टारका डिफेन्डर जीवन गुरुङले क्लबसँगको सम्झौता नवीकरण गरेको छ ।

थ्री स्टारले सोमबार सामाजिक संजालबाट डिफेन्डर जीवनले सम्झौता नवीकरण गरेको जनाएको छ ।

सहिद स्मारक 'ए' डिभिजन लिग नजिकिदै गर्दा थ्री स्टारले जीवनसँगको सम्झौता नवीकरण गरेको हो ।

'ए' डिभिजन लिग कात्तिक २९ बाट सुरु हुनेछ ।

पोखराका जीवनले अघिल्लो पटकको 'ए' लिगमा डेब्यू गरेका थिए ।

उनी २०१८ बाट थ्री स्टारमा आबद्द छन् ।

 नयाँ सिजनको लिगको लागि थ्री स्टारले कप्तान बिक्रम लामा, गोलकिपर प्रिसो डिफेन्डर अनन्त तामाङ, निराजन महर्जन, मिडफिल्डर मिक्छेन तामाङ,  सन्जोक राई, मनाग्य नकर्मी, विजय भुजेल र निशान खड्कासँगको सम्झौता नवीकरण गरिसकेको छ ।

त्यस्तै युवा गोलकिपर अरुण ब्लोन, डिफेन्डर आश्विन भट्टराई, युवा विंगर ऋतिक खड्का, मिडफिल्डर लाकेन लिम्बु, मिडफिल्डर आयुश घलान, डोना थापा र डिफेन्सिभ मिडफिल्डर राफायल बिडीएस रिमलाई अनुबन्ध गरेको छ ।