युभेन्ट्स र इन्टरको बराबरी

काठमाडौं । इटालियन सिरी ए फुटबलमा युभेन्ट्स र इन्टर मिलानले बराबरी खेल्दै अंक बाडेका छन् ।

आइतबार राति भएको खेलमा युभेन्ट्स र इन्टरले १-१ गोलको बराबरी खेलेका हो ।

‘डर्बी अफ इटाली’ नामले चर्चित भिडन्तमा सुरुआती अग्रता घरेलु टोली इन्टरले बनाएको थियो ।

खेलको १७ औं मिनेटमा इडेन जेकोले गोल गर्दै इन्टरलाई अग्रता दिलाएका थिए ।

तर, खेलको ८९ औं मिनेटमा पाउलो डिबलाले पेनाल्टीमा गोल गर्दै युभेन्ट्सलाई हारबाट जोगाए ।

त्यसअघि ८८ औं मिनेटमा इन्टरका प्रशिक्षक सिमोनलाई रातो कार्ड देखाईएको थियो ।

यस बराबरीसँगै युभेन्ट्सले ९ खेलमा १५ अंक जोडेको छ ।

युभेन्ट्स छैटौं स्थानमा रहेको छ ।

इन्टर १८ अंक जोडेर तेस्रो स्थानमा रहेको छ ।